VIONGOZI WA VYAMA YA USHIRIKA MASASI WAREJESHA BILIONI 1,277,935,540

Posted on: March 7th, 2018

Baada ya Viongozi wa vyama vya msingi  100 waliokamatwa  kufuatia ripoti ya uchunguzi ya madai ya malipo ya korosho ya wakulima wilayani masasi   kwa misimu ya 2016/2017 na masimu wa 2017/2018  iliyowasilishwa tarehe 23.02.2018 wamerejesha jumla ya shilingi  1,277,935,540 kati ya 1,533,794,100 na 1,803,208,368 walizokuwa wanadai wakulima kulingana na bei  kubwa na ndogo za minada .

Taarifa hiyo imetolewa na Mkuu wa mkoa wa mtwara mhe. Gelasius  Byakanwa kwenye mkutano na wananchi katika kijiji cha Mwongozo kilichopo kata ya Nangoo halmashauri ya wilaya ya masasi  ambapo alikwa anasikiliza kero ya wanachi hao ya kutolipwa fidia ya maeneo yaliathiriwa na utekelezaji wa mradi wa maji wa mbwinji na kuwaeleza wananchi kuwa serikali inasikiliza na kutatua kero kwa haraka.

Mhe. Byakanwa serikali iliamua kuchukua hatua ili wakulima waweze kupata fedha zao lakini pia kuwafundisha viongozi wa vyama vya ushirika kuwa fedha za wakulima sio za kuzichezea kwa manufaa yao bali watekeleze wajibu wao kwa mujibu wa sheria na taratibu.